ڈاکٹر وفا یزدان منش اردو زبان و ادب کی ایرانی سکالر ہیں۔ انھوں نے ’’اردو غزلیات میں فارسی تلمیحات و تراکیب (لسانی و تحقیقی مطالعہ ) ‘‘ کے عنوان سے پنجاب یونیورسٹی لاہور سے، پی ایچ ڈی کی ڈگری حاصل کی ۔ پاکستانی اردو ادب،تاریخ ایران و پاکستان کی تاریخی و ثقافتی روابط پر ان کے تحقیقی مقالات ایران ، پاکستان اور ہندوستان کے کئی معتبر جرائد میں شائع ہوچکے ہیں۔وہ متعدد عالمی کانفرنسوں میں شرکت کر چکی ہیں۔شعبہ اردو یونیورسٹی آف تہران میں ایسوسی ایٹ پروفیسر کے طور پر خدمات سرانجام دے رہی ہیں۔دانشنامہ جہانِ اسلام ایران کا مشہور انسائیکلوپیڈیا ہے ، اس کے برصغیر سے متعلق تحقیقی شعبے میں اُردو زبان و ادب کی نگران ہیں۔
